Pintig Ng Puso, Kalayaan Ng Mga Nakakubling Damdamin
Kapag masyado nang maingay ang mundo, may dirinig pa ba sa'yo? Paano ang mga daing, ito ba ay ikukubli na lang at palihim na ibubulong sa hangin? Ititikom na lang ang bibig sa mga isyung sa paligid ay umaaligid at umaalingawngaw . Ang mga tala at buwan na lamang na nagtatalik sa dilim ang siyang magiging saksi sa mga luhang nag uunahang makawala. Nakung may tao lang na magpapahiram ng kanyang tainga at pauutangin ka ng sandaling panahon. Mapagtatanto nyang ang bawat pagtibok ng puso ay mga lihim na sigaw na walang kung sino mang nakaririnig. Kung gugunitain ka lang sana ng mga taong iyong sinisinta, makakaya mong maka alpas sa bawat hamon ng buhay. Na ang bawat pintig ng puso ang siyang nagsisilbing melodiya sa bawat pagkakataon na susubukan mong panandaliang lisanin, takasan ang magulo at masalimuot mo na buhay at mundo. Datapwat habang wala ka pang masasandalan, habang walang ka pang kaagapay, samahan mo muna akong matuklasan ang tunay na kalagayan mo sa kasalukuyan, ang ugat ng iyong mga pagtangis, ang laman ng iyong mga pagwari, ang pinagmumulan ng bawat malalalim na buntong hininga, kahit ang bukal pa nito ay puno ng pag aalinlangan. Naghahanap ng isang tahanan, ng isang paraiso na sa pantasya lamang matatagpuan. Panghawakan muna natin ang kapangyarihan ng bawat pyesang malilikha. Sabay sabay nating pagsaluhan mga isyu sa lipunan, mga tanong ng pag aalinlangan, mga bugtong ng pagkatao, mga dalamhati at pasakit ng buhay, mga usaping pag ibig, mga talatang ibubukas ang iyong kaisipan tungo sa realidad ng buhay. Mag aanyong sandata natin ang mga piraso ng papel, ang bawat tinta ng panulat, magiging kalasag ang nag aalab na damdamin.
![The Billionaire's Daughter [ProfxStud • GxG] by asureichan](https://img.wattpad.com/cover/318338286-80-k706642.jpg)
![The Billionaire's Daughter [ProfxStud • GxG] cover](https://img.wattpad.com/cover/318338286-256-k706642.jpg)
