Be Free

"I-If I ask you right now between me or her, you'll choose me right? Ako ang pipiliin mo diba?" umaasang tanong ko sa kanya. Umaasa ako na ako ang pipiliin niya. Na hindi nya ako basta basta ipag-papalit ng ganoon nalang.

"I'm sorry. I didn't mean for this to happen but I choose her, Ely. I love her."

Sunod sunod na nag patakan ang mga luha ko na kanina ko pa pinipigilang bumagsak. Kusang bumigay ang mga tuhod ko at napaupo ako sa lapag.

Ang sakit lang na marinig na may mahal na siyang iba. Hindi na ako ang mahal niya. Siya na.

Akala ko kaya ko pa. Akala ko kaya ko pang buuin. Akala ko kaya ko pang isalba ang relasyon namin. Akala ko kaya ko pang ibalik sa dati ang lahat. Pero akala ko lang pala. Ako nalang pala ang lumalaban, ang kumakapit, ang umaasa na mabubuo pa ang mga nasira.

Ang sakit.

Binitawan niya ako ng basta ganoon nalang. Na para bang wala lang ang ilang taong pinag samahan namin. Dumating lang siya sa eksena, nabaliwala nalang ako bigla. Pero siguro nga ganoon nalang, hindi siya para sa akin. Tatanggapin ko kahit masakit pero hindi ko ipag pipilitan ang sarili ko sa taong hindi ako ang pinili.

Tumayo ako sa pag kakaupo ko sa harapan niya at pinahiran ko ang mukha ko na hilam na sa luha sa kakaiyak. Tumingala ako sa langit, mukhang uulan, nakikisimpatya rin ata ang kalangitan sa nararamdaman ko. Binalingan ko siya at tinitigan sa huling pag kakataon.

"Okay." sabi ko habang nakatitig sa mga mata nya. "I understand. Masakit pero tatanggapin ko, na hanggang dito nalang talaga tayo. I'm breaking up with you, so be happy Markus." ngumiti ako sa kanya sa huling pag kakataon, "I'm setting you free." tumalikod na ako at nag lakad papalayo sa taong nangako sa akin na po-protektahan ako at hinding hindi ako sasaktan.