حب المكابر دايم حظه غابر

بيقولوا :
بطن جاب الولداني ... اطعموه لحم الضاني
بطن جاب البنية ..... اضربوه بالعصية
واطعموه لحم بايت ... ولا تقولوش خطيه

بحثت لين تعبت من ايام الطفولة الى الكبر
ماكان اللي ابحث عنه محال بس كان ثمين او بالأحرى بالنسبة لي ولخواتي ثمين كنا نبحث عن نظرة حب نظرة بس
او كلمة تشجيع بس ماكنا نلقى الا ما يخيب املنا فإستسلمنا او انا بس اللي استسلمت ؟؟ وبدأت افكر ليه ابوي نبذنا ؟؟؟ وش اللي في اخواني ولا هو فينا ؟؟؟ بس اظن اني بنظلم في حياتي لين اشيخ واهرم ولاني لاقيه الجواب !! ما ادري وش كان يفكر فيه
اللي قال :
البنت للعفن والولد للكفن ؟؟؟

اقتباس :

راح وراء البيت وهو يفكر : والله لا ادفعك ثمن اللي سويتيه فيني اجل انا ولد ال... هذا فعلك بي
راح بسرعه واشعل النار وجهز الميسام ( حديدة على شكل معين توضع على النار الى ان تصبح حاميه ثم توضع على الأبل حتى تثبت ملكيتها ) وهو يتذكر ابوه كيف وسم صغير الناقة اليوم حط الميسم عالنار يحتمي وجلس ينتظرها بتوتر وهو يحس ان اللي يسويه خطأ بس لازم يرد اللي سوته فيه اقبلت عليه وهي تركض بفرح وجديلتيها الثنتين تتمايل مع الهواء حس بشعور بين له فداحة فعلته بس تجاهله ومد يده لها وهي بكل براءة مسكته وفجأة وبدون ماتدري الا هي عالأرض وماسك يديها الثنتين بيد وبصوت باكي وخايف : ااءءا و وش تسويي