Potentia

Ano ang gagawin mo kung nabubuhay ka sa isang mundo kung saan mayroong mahika. May mga taong may kakaibang kakayahan na tinatawag nilang 'potens'. Ngunit bihira lamang ang mga taong mayroon nito. Kinatatakutan naman ng mga tao ang pagkakaroon nito dahil sa mga pagkawala ng mga taong may potentia lalo na sa mga kabataan. Hindi naman alam ng mga karamihan kung ano nga ba ang nangyayari sa kanila. Ang sa tingin ng iba ay dinudukot ito ng mga rebelde. Ang iba naman ay naniniwalang ikinukulong sila sa Candor kung saan ang sentro ng Medeis.

Medeis ang pangalan ng mundong ito. Nahahati naman ito sa pitong teritoryo. Ito na rin ang kinagisnan ng mga taga-Medeis simula nung ipinatayo ang napakataas na dingding upang hatiin sa pitong teritoryo ilang libong taon na ang nakalipas.

Si Marcus ay isang binatang labing pitong taong gulang na naninirahan sa teritoryo ng Glaesum. Salungat sa murang edad ay marami na siyang naranasang paghihirap. Isang taon na ang lumipas nang mamatay ang kaniyang ina dahil sa isang sakit. Magisa na lamang sya sa buhay dahil nawala na rin ang kaniyang ama at maktatandang kapatid sa isang insidente sa gabi ng kaniyang kaarawan.

Bagamat mag-isa na lamang sa buhay, patuloy pa rin siya sa lumalaban lalo na at mayroon siyang matalik na kaibigan na tumutulong sa kaniya. Ngunit may insidenteng nangyari sa kanilang magkaibigan bago ang kaniyang kaarawan. Napakasakit ito para sa kaniya.

Tunghayan ang buhay ni Marcus at ang pagtuklas niya ng mga katotohanan sa mundo ng Medeis. Alamin ang tunay na nangyari sa kaniyang mga mahal sa buhay.