كترووو لي جااام

الحلقة 2
ناضت الصباح دوشت ولبس روب ميني حمرة فيها شقة في سدرها مع طالو نوار وطلقت شعرها نشفاتو وخلاتو مبوكلي مع مكياج خفيف وفحفحت روحها بالروايح ليوم قررت لازم تلقى خدمة حوست حوست حوست ملقاتش ولات فقدت الامل وقعدت في وحد لكرسي طاحتلها الدمعة ومن دمعة ولاو دموع كملت ندبت على زهرها لي يوجع لقلب هزت راسها لقات وحد الورقة معلقة في وحد الحيد مكتوب فيها انو يحوسو على مصممة في وحد الشركة ايا راحت حبست طاكسي وراحت للعنوان
في بلاصة اخرى في لندن
اياد:وشني هذا تتمسخرو بيا ولا خليتكم سمانة برك هملتو وشني هذا وزيد ثاني استقالت مصممة من الشركة مليحة هاذي سكت ومبعد قالو دبر راسك لازم تلقا مصممة في اقرب وقت ممكن دبر راسك هاني قتلك ومنعاودش الهدرة
عماد:هدي روحك صحيبي هاني حطيت اعلان في كل بلاصة بلي خاصتنا مصممة غلق على عماد وهو يهدر (نعرفكم بعماد هو صديق اياد ويدو ليمنة يخدم معاه في الشركة عندو وحد الزين يخرم ياجدك العين زرقة والشعر لصفر وخادم بدنو ياجدك كور وزيد ديكوور )هو غلق عليه وهو طبطب الباب دخلت السكرتيرا نتاع عماد
عماد:ادخل
السكرتيرا :مسيو عماد كاينة وحدة تحوس تقابلك
عماد:قلها ميش ليوم راني تعبان اجليها لغدوة
السكرتيرا :بصح قالت بلي جاية على جال الاعلان لي حطيتو
عماد تخطف من لكرسي وقلها قلها تدخل