قصه فراشه بدون اجنحه باللهجه العراقيه

قصه فراشه بدون اجنحه
مشهد الاول
هاي وين راحت مو گلتلها نلتقي يم الباب باوعت شفتها گاعده بالفي على الصبه يم الشجره .. رحتلها ركض 🏃‍♀️
كايلا : ولج واخيراً خلصنه امتحانات وبعد منرجع لهاي المدرسه واخيراً ماادا اصدك رح نروح للجامعه ..
زينه : ولج ياجامعه ياحظططي اليوم مجاوبت زين ..
كايلاً : واني اگول شبسع كملتي وطلعتي .. ولج ليش مو راجعنه المواد سوه والاسئله تره مو صعبه ..
زينه رفعت ايدها بطرف اصبعها دتمسح دمعه قبل متوگع من عينها ..
كايلا : ها شنو زوزو مو اتفقنا ماكو دموع .. وحظنتها ..
زينه : كايلا مااكدر انساه صارلي ٣ايام اموت الف موته واني اتخيله وياها حبيته مو بسهوله انساه .
كايلا : لا رح تنسيه وغصبن عليج ولج على شنو دتبجين على واحد عافج وتزوج بت عمه ونساج بكل سهوله دولي 😡 وانوب ممجاوبه بالامتحان من وراه وهو نايم بالعسل ولج زينه رح نروح للجامعه اهناك حياه ثانيه وان شالله تلگين الي يحبج صدك ..
مسحت دموعها .. وگالت اي صدك بلگي يحطوني بشعبه بيها واحد يشبه البقلاوه تقصد (بوراك الممثل التركي )
كايلا : هههههههه اي هيجي رجعي زوزو التضحك للهوه ام رصعات حلوه ..
جان هذا اخر يوم النا بالمدرسه الي جنت انتظر يوم يوم حتى اخلص منها مادريت انو اسعد ايامي جانت بيها ضحكاتنا وشقاوتنه وراحه بالنا عفناها بيها وطلعنه ..

المش