Hero

Hindi ko inakalang makakatagpo pa ako ng taong magpaparamdam sa akin na ligtas ako.
Hindi ko inakalang mapapawi niya ang lahat ng sakit sa puso ko.
Hindi ko inakalang magmamahal muli ako.
Ang pagdating mo sa buhay ko ang pinakamagandang pangyayari sa buhay ko, ang tagapagligtas ko.
- Venice Altovar

Sa tagal na panahong tiniis ni Venice ang sakit na nararamdaman niya, nagpasya siyang umuwi na at hanapin ang sarili niya. Ngunit sa hindi inaasahang pagkakataon, nakita niya muli ang taong nagparamdam sa kaniya ng napakasakit na pakiramdam na umabot sa pagkaubos ng pagmamahal niya sa kaniyang sarili. Muling nanumbalik ang sakit na pilit niyang nilalabanan at pinapawi. Noon ay naramdaman na naman ni Venice ang pag-iisa, ang pakiramdam na hindi siya ligtas.

Ang lahat kaya ng ito ay mapapawi sa pagdating ng isang taong hindi niya aasahang sasamahan siya sa oras na siya ay nasasaktan?
O magdudulot lang muli siya ng panibagong sakit at sugat sa pagkatao ni Venice?