Kawalan ng Iyong Pag-alis

Pagmamahal. Isang bagay na maituturing na pundasyon sa mundo at isang koneksyon tungo sa isang tao. Pagmamahal, siyang nagbubuklod-buklod sa isang grupo ng tao. Isa na rito ang pamilya.

At sa pamilyang ito, nariyan ang higit na pagmamahal ng magullang sa kanilang mga anak. At gagawin nila ang lahat upang ang kanilang anak ay magkaroon lamang ng magandang pamumuhay.

Ito ang uri ng pagmamahal na mayroon si Josephine, ang ina na mag-isang nagtataguyod sa kanyang anak. Inang lubos ang pagpapahalaga sa kanyang nag-iisang anak, mabigyan lamang ng kinabukasang malliwanag pa sa sikat ng araw, mas malapad pa sa pangkaraniwang kalsada sa mundo, at mas malaki pa sa pinakamalaking mansyon sa buong mundo.

Magsisimula ang ating estorya sa isang pampublikong ospetal sa lungsod ng Masinag. Sa isang kuwartong lulan ang doktor na siyang magpapaanak kay Josephine, ay maririnig ang tila hirap na pagsigaw ng babae. Nakapalibot dito ang doctor at mga nurses na tumutulong sa doctor.

All rights reserved