Cliche Arranged Marriage

Alam naman natin siguro na sobrang sakit sa pakiramdam kapag alam mong hindi ka mahal ng taong mahal mo. Paano na kung pinagkasundo ka sa taong mahal mo pero hindi ka naman mahal? Magiging masaya ka ba kahit alam mo na sobrang sakit nun para sa taong mahal mo? Anong gagawin mo?

Diba dapat masaya ako na sa akin na sya? Pero bakit sa araw-araw na nakikita ko syang malungkot para akong dinudurog? Bakit hindi na lang kasi ako ang mahalin nya? Bakit lahat ng taong mahal ko kung hindi nawawala sa akin ay hindi naman ako kayang mahal? Ang daya naman ng mundo sa akin.

Kailangan kong tiisin na makita syang araw-araw na dinudurog dahil sa kasal na tila'y naging kulungan para sa kanya na parang naging kadena upang pigilan syang patuloy na mahalin ang tinatanggi ng kanyang puso. Nasa rehas din ako ng katotohanang hindi ko maaaring sabihin sa kanya na mahal ko sya pagkat ang alam lang nya ay tinutulungan ko syang isalba ang kumpanya na nag-iisang alaala ng kanyang ama.

Nangako ako sa kanya nya na kapag ayos na ang kumpanya nila. Papayag na akong ipa-annulled ang kasal namin. Gagawin ko ang lahat matulungan lang sya dahil mahal na mahal ko sya simula pa lang pagkabata.

Ang alam nya ay pinakamatalik na kaibigan lang ang turing ko sa kanya. Akala nya hindi rin ako masaya na pinagkasundo kami. Akala nya madali lang sa akin ang lahat. Akala nya madali lang sa akin ang desisyong ipa-annulled ang kasal namin kapag ayos na ang lahat. Hindi nya alam ang sakripisyong gagawin ko para sa kaligayahan nya. Hindi nya alam na iisipin ko pa lang ang araw na maghihiwalay kami ay hindi ko na kaya.

Pero salamat sa hiram na oras at panahong ito dahil kahit sa isang fixed marriage ay nasabi ko na naging akin ka. Mahal na mahal kita Harry. Lahat ay gagawin ko para sayo. Pangako magiging tapat ako sa pangakong hihiwalayan kita sa tamang oras para mawala na ang 'yong kalungkutan kahit sobrang sakit ang idududlot sa akin. Kahit kapalit pa nito ay lalaking walang daddy ang baby ko.