❤️ تزوجت_ابنة_عرشي ❤️

❤️ #تزوجت_ابنة_عرشي ❤️
#منقووووووولة
عسلامة لبنات الكل ... انشاء الله تكونو بخير وعلى خير ❤️ رجعتلكم بكرونيك جديدة.. هي قصة حقيقيةنتمنى تعجبكم 😍 ..
الكاتبة Riz Zilia

فهي تزوجت ابنة عرشي 💔😓 .
قاعدة ضامة ساقيها لصدرها ... تطلع على الطاقة لي بدورها طل على الحوش متاع دارهم ... الدنيا خايضة ..الكل فرحانين ... شبيهم لوجوه الكل تضحك ...شبيهم الكل يشطحو و عاطيين ما عندهم .. خي مش حاسسين بيها و بوجيعتها ... حتى تبسيمة مصطنعة على وجها مفماش ... خي لهاذ الدرجة مش عاملين حساب ليها ..... . طلعت على صبعها ترا في الخاتم لي لبستو مبارح ....مبارح خطبتها و ليوم عرسها ... الله غالب بوها هك حب. .. .. من وقت كانت صغيرة تقرر مصيرها باش تعرس بولد عمها أسد وقت تكبر ... أما لقلوب كان ليها اختيار اخر .. هي عمرها ما حبت أسد .. أصلا متتذكرش عليه حتى شي ..تسمع بيه كهو. هي طول عمرها في العرش مخرجتش منو. . و من عاداتهم أنو لمرا يشوفها كان بوها وخواتها خوالها وعمامها. . أما ولادهم لا .. حتى من الخاتم رفض يدخل يلبسهالها ..هذاك علاش لبستهالها امو .. تبسمت بوجيعة و بدات دندن في غناية ..
ياي خاتم صبعي .. و ما دلالي يانا وفيه زوج قلوب.
وما دلالي يانا ..و فيه زوج قلوب ....و فيه زوج قلوب .... يا لول زهري ....و الثاني المكتوب . ......
هي هكك تغني و الباب اندق عليها ..