26 parts Complete Siya si Pangga Tong, effortlessly beautiful daw siya sabi ng iba. Kahit hindi magpapansin ay papansinin pa rin siya dahil sa taglay niyang ganda. Pakealam ba niya? Ang mahalaga sa kaniya ay mamuhay ng simple kasama ang kaniyang ina na mahilig sa k-drama. Hindi man ito mukhang diyosa, pero may lutong swak sa masa na siyang puhunan sa kanilang karinderya.
Lumaki si Pangga sa isla ng Bihiya. May magandang tanawin, malinis na kapaligiran at preskong hangin. Doon siya natutong umakyat sa punong kahoy na parang unggoy, sumisid sa dagat na parang dugong at magpabalik-balik sa bundok para lang kumuha ng panggatong. Ngunit na-bored si Tadhana sa payapa niyang buhay at pinaglaruan ang kaniyang kapalaran. Nagbago ang tahimik niyang buhay nang makilala si Frost Silver Peterson, ang may-ari ng resort sa isla. Wala itong ginawa kundi kumunot ang noo sa agahan, sumimangot sa tanghalian at magsungit sa hapunan. In short, pasan nito ang daigdig. Sa sobrang bigat wala nang oras para ito'y ngumiti.
Gayunpaman, namalayan na lang niya ang sarili na nahuhulog sa lalaking pinaglihi yata sa yelo. Natutunan niyang mahalin si Frost, pero kaakibat niyon ang sakit; pisikal at emosyonal. Emosyonal dahil hindi mapupunta sa kaniya ang lalaki. Pisikal dahil sa fiancée nitong ubod sama ng ugali, matapobre at insecure. Palaban siya at hindi nagpapatalo, pero paano niya ipaglalaban ang bagay na wala siyang karapatan? Magpaparaya ba siya o pipigilan ang nakatakda nitong kasal? Problemado na siya kay Frost, pero madadagdagan pa pala iyon ng isang katotohanan tungkol sa kaniyang katauhan. Isang katotohanan na tuluyang magbabago sa takbo ng kaniyang buhay.
"Haysss, tadhana. Kung nahahawakan ka lang, nagsimula na ako maghukay sa buhangin at ibabaon kita ten feet below the sand!"
![[MAYDON ]"The Girl I've Once Met" BOOK 1 by Latti_RoseJenria](https://img.wattpad.com/cover/244864576-80-k308414.jpg)
![[MAYDON ]"The Girl I've Once Met" BOOK 1 cover](https://img.wattpad.com/cover/244864576-256-k308414.jpg)
