صراع امرأه (مفاز اليقين)

واگفه كدام قصر مثل القصور الي بأفلام الاميرات والمكان يخبل انفتح الباب ودخلت انضر للمكان بدهشه وتعجب

فجأة انغلق الباب وصار المكان اضلم خفت بشده وانفاسي العالية ملت المكان هرولت للباب بسرعة حتى افتحه اخاف من الاماكن المغلقه افتح بالباب مينفتح دمعت عيوني بخوف

وضليت اركض ادورلي على مخرج المكان صارر يخنگ وكأنو الهوى انقطع خليت ايدي على صدري بخوف واني اهدئ انفاسي بالشهيق والزفير واكرر كلمة هدئي هدئي

غمضت عيوني المدمعه وصرت اندعي بقلبي اطلع من هالمكان الي بالاحرى مثل السجن صارر يخنگ ،، ركعت وايديه على عيوني باكيه من الموقف الاني بي ،، ابجي واصرخ بخوف

ماما الله يخليج وينجج لحكيني ماماااا ،، ساعدونييي الله يخليكم راح اموووت من الخنگه

اجه مصدر ضوه من احد البيبان الجانت مغلقة مسحت عيوني بخوف وشفايفي نرسمت عليهن ضحكه فرح وكأنو راح اتحرر

لكن تراجعت بخوف من شدة الافكار المخيفه والشريرة التجمعت براسي وكفت واني امسح بدموعي الي تتسابق بالنزول ،، اتبعت مصدر الضوه واني اصيح

منو هناا منو انتَ وكفت كدام الباب المفتوح وجان يتوسطه رجال لابس لبس رسمي ومنطيني ضهره

بنبرة خوف منو انت ..

جاوبني بنبرة صارمة وغيض وجان صوته يخوف

- بدون كلام اتجهي لذاك المكان وانصحج لدورين ضهرج وجان يأشر بصبعه على مكان ..