شوفير رجل الاعمال

عزيزي القارئ

لا لا لا انا ماليش في الشغل ده و لا عزيزي القارئ ولا عزيزتي القارئه و لا كان يا ماكان

احب ادخل في الموضوع و اعرفكم بنفسي،، بما اني بطلة الروايه المفروض يبقا اسمي (رحمه،، رهف،، ملاك) الاسامي الجامده دي لكن للأسف الشديد،، انا اسمي فتحيه.................. متبصليش كده ياختي منك ليها،، و خدي التقيله بقا،، البطل مسموش جاسر و لا غيث و لا ليث و لا اسد و لا زين و لا مراد هههههه انا هتجوز عبدو حناكه،، جاري و حبيبي و كل ما ليا،، لو هشحت كده محبش الا هو هههههه