Pipilitin Ko Na Ang Puso Mo'y Mahulog Sa Akin (KANAWAY Book 1)
"At kung tatanggapin mo ako, please accept the wine. Puwedeng masama ang lasa nito ngayon, but it will get better with aging. Tulad natin. We may argue, fight, and argue. But I believe we'll get better in time... You and me."
Sa unang araw pa lang ng pagdating ni Ciara sa bayan ng Kanaway, mainit na agad ang dugo niya kay Lucas de Gala, ang masungit na lalaking nakatira sa lighthouse tower-like na bahay, dahil pinalabas siya ng lalaki nang mapagkamalan siyang nag-trespass sa pamamahay nito. Mula noon, sa bawat pagkikita nila ay para na silang aso't pusa kung magbangayan.
But Lucas offered her something nobody ever dared to give her-ang magamit ang kanyang kakayahan sa paggawa ng alak. Kaya tinanggap niya ang business partnership na ino-offer ng lalaki.
Lagi silang magkasama kaya hindi naiwasan ni Ciara na maging malapit kay Lucas. Hindi na rin niya napigilan ang sarili na unti-unting mahulog ang loob sa binata--na may kabutihang-loob palang taglay. Handa na siyang sumugal lalo't naramdaman din niyang attracted si Lucas sa kanya. Pero nang ipagtapat ni Ciara ang tunay na damdamin ay labis siyang nasaktan dahil sa tahasang pagtanggi ng binata, sabay sabing kailanman ay hindi ito magmamahal...
