Haharanahin Ka

"Ang ganda." puna ko sakanya. Naka suot s'ya ng bestidang puting puti at pagka-haba haba habang naglalakad kami sa altar. Naka hawak s'ya sa braso ko at marahang naglalakad paunahan.

"Ang gwapo." Tingin n'ya saakin na may malawak na ngiti sa labi. Sobrang saya ng mga mata n'ya, mababasa ang kasiyahan sa buong mukha n'ya. Ngumiti ako sa aking sarili at inilibot ang tingin sa dagat dagat na tao na nanonood saamin habang naglalakad. May umiiyak, malawak na naka ngiti at ang iba naman ay mababasa mo ang paghanga kay K. Hindi parin ako makapaniwalang dadating ang panahon na ilalakad ko talaga s'ya sa altar.

--

"K! paglaki natin, ilalakad kita sa altar!" bibo kong sabi sakan'ya. Crush ko si K pero sabi n'ya saakin, friends lang daw kami! umiyak ako nang umiyak kay papa nung sinabi nya yun saakin. Pero sabi ni papa, kailangan ko daw muna magpa tuli para maging crush din ako ni K.

"Aiden, grade 2 palang tayo. Bawal pa ako ilakad sa altar. At saka, di naman kita crush." inirapan n'ya ako pero mas lalo lang lumawak ang ngiti ko.

"Edi pag tuli na ako, saka kita ilalakad sa altar!"

"Ew, you're gross." sabi n'ya at nagtatakbo papunta sa yaya nya. Ano daw?

--

Papalapit kami nang papalapit sa unahan. Hinawakan ko nang mahigpit ang kamay n'ya saka hinarap s'ya.

"I'm so happy for you." Hinaplos ko ang buhok n'ya habang may malawak na ngiti.

"Thank you, Aiden. You'll always be my best best best!! buddy kahit kasal na ako, diba?" naluluhang sabi n'ya saakin.

"Oo naman, you know I love you at palagi kong pipiliing maging masaya ka."

"and I love you too, buddy. Tama na!! oa mo." hinampas n'ya ako sa braso habang pasimpleng pinunasan ang kanyang luha.

"Wag ka umiyak, pumapangit ka. Sige ka, baka umatras si Riece." Biro ko kaya hinampas n'ya ulit ako.

Inabot ko ang kamay n'ya kay Riece. At malawak na ngiti naman nitong tinanggap. Wala nang mas sasakit pa sa tanawing ito, ang iabot ang kamay ng taong mahal ko sa taong mahal n'ya.