I'm Scared to Death

Ito ay kuwento ng isang baklang mamamatay na in 5 months. Gusto niyang tapusin at gawin ang lahat ng mga nasa bucket list niya. May limang buwan na lamang daw siya sabi ng doktor, at tanging siya lang ang may alam nito.

Gusto niyang makita muna ang mga iniidolo niyang BTS, Enhypen at txt bago siya mamaalam. Mag-isa nalang siya sa buhay dahil kamamatay lang din ng Mama niya, limang buwan na ang nakararaan.

Si Jid nalang ang nakakasama niya sa Apartment na tinitirhan niya. Mama ni Jid ang may ari ng apartment na ito, na siya namang kaibigan ng ina ni Vyn.

Bago namatay ang Mama ni Vyn, ibinilin nito si Vyn kay Jid at sa mama niyang matalik nitong kaibigan.

Kung itatanong mo naman ang bahay nila Vyn, binenta na ito ng mama niya, para pambayad niya sa apartment na di hamak naman na mas maganda. Mura lang rin naman ang singil dahil kaibigan nga ng mama ni Jid ang mama ni Vyn.

Iniwan na kase sila Vyn ng papa niya, at nakipagrelasyon sa iba. Hindi ito dumalo at nakilamay kaya mas nagalit lang si Vyn dito.

Si Jid nalang ang nakakasama niya, na ayaw naman niya dahil may gusto siya rito. Ayaw niyang mahulog ulit at masaktan dahil kaibigan lang siya nito. Alam niyang hinding-hindi siya nito magugustuhan.

'Limang buwan nalang Vyn, limang buwan nalang. Makakalaya ka na sa lahat ng sakit, pait, lungkot at galit na iyong nararamdaman. Makapagpapahinga ka na rin, limang buwan nalang'

-Vein_SinDale