Got to believe in Kulam?

Walang ginawa si Eli kundi ang tarayan ang lahat ng tao sa paligid niya. Ugali na rin niya ang umepal sa love life ng iba kapag nararamdaman niyang boring na ang kanyang buhay.

Mataray at mayabang ang tingin sa kanya ng mga nasa paligid niya kaya matagal na siyang sanay sa ganoong deskripsyon sa kanya. Gumagaan ang kanyang pakiramdam at nare-relax siya sa tuwing magtataray sa mga taong kinaiinisan niya. Minsan, hobby niya lang ang pang-aasar. Hanggang sa isang araw ay may isang binatang bigla na lamang sumulpot sa buhay niya. Palagi nitong sinasabi na ang bait-bait niya at simula nga noon ay hindi na siya nito tinantanan.

Sa lahat ng oras ay nabubuwesit siya sa presensya ni Jann at pesteng epal din ang tingin niya sa binata kahit na lagi ito nasa tabi niya tuwing kailangan niya ng tulong. Pero bakit noong umaali-aligid na ang sexy na best friend kuno nito ay bigla na lamang siyang nangitngit at naasar?

"Puro na lang Vicky, Vicky, Vicky. Mukha na siyang Vicky. Eh 'di kay Vicky siya kumampi. Ano ngayon? Pagbuhulin ko pa sila."

"Mangisay silang pareho."

Kung noon ay siya ang umepal sa love life ng iba, ngayon naman ay kung sino-sino ang sumusulpot para mantrip sa naghihingalo niyang so-called love life at konti na lang ay mababaliw na ata siya sa mga panggulong ito.