A Billionaire's Dark Obsession

Hindi makapaniwala si Kristine na magagawa siyang ipagkaloob ng kanyang mga magulang sa isang napakayaman, ubod ng guwapo ngunit napaka-possessive na negosyanteng sampung taon ang tanda sa kaniya.
Siya ay si Charles Ty, ang CEO ng Asia World Banking Corporation. Sa paningin ng iba ay napakasuwerte ni Kristine dahil bukod sa napakakisig ng kanyang mapapangasawa ay napakayaman din nito. Ngunit lingid sa kaalaman ng lahat ay napakatindi at napakalalim ng pagkahumaling nito sa kanya na sukdulang ikulong na siya nito sa kanilang mansiyon. Bawat galaw niya ay bantay sarado.
Pinilit lamang siyang ipakasal dito dahil sa malaking utang na loob ng kanyang pamilya sa ama ni Charles. Siya lamang din ang nakaaalam ng tunay nitong pagtrato sa kanya.
Tinangka niyang takasan ito sa araw mismo ng kanilang kasal ngunit nabigo siya. At dahil hindi siya mapasunod ni Charles sa lahat ng nais nito ay lalong tumindi ang kanyang pagdurusa.
Paano nga kaya niya kakayaning pakisamahan ang taong baliw na baliw sa kanya at walang ibang nais kung hindi ang kontrolin siya at ang bawat kilos niya?