Hanggang Dito Na Lang. Nagmamahal, Celestine

Noon, limang taon na ang nakakaraan ay isang bagay lamang ang mahalaga para kay Tinay ---ang makaalis sa Liraya. Gusto niyang salungatin ang konbensiyonal na paniniwala ng kanilang tribu at mamuhay sa sarili niyang paraan.

Noon niya rin nakilala si Hyun Min, ang lalaking may singkit at tila nangungusap na mga mata, mapupula at hugis-pusong mga labi at higit sa lahat, ang lalaking nagnanais na magpakasal at sumunod sa batas ng sarili nitong pamilya.

Magkaibang-magkaiba sila ni Hyun Min sa maraming bagay. Isa siyang babaeng walang urbanidad habang ito naman ay City Boy. Ayaw niyang magpatali sa pag-aasawa habang iyon naman ang tanging gusto nito. Kaya sino ang magsasabing sa isang iglap ay papayag siyang magpakasal sa lalaki?

Surprisingly, Hyun Min made her life so much better than she could ever imagine. Their marriage was undeniably blissful. Natuklasan niyang ang buhay may-asawa ay hindi naman pala kasing-sama ng inaakala niya.

Or maybe she was wrong. Dahil ngayon, pagkatapos maglaho ni Hyun Min na parang bula may limang taon na ang nakakaraan ay heto si Hyun Min at nagbabalik sa buhay niya para magpapirma ng annulment paper. Gusto nitong ipawalang bisa ang kasal nilang dalawa na buong akala niya ay bahagi lamang ng pagpapanggap noon.

Was she really wrong to think that marriage is a curse? O sadyang hindi lang si Hyun Min ang lalaking inilaan para sa kanya?