Asul na Ibon

Si Keron W. Biyernes ang pinakapanget na estudyante sa eskuwelahan na puno ng mga pinakamagagandang tao. Dahil sa taglay niyang kapangetan araw-araw siyang nabubully hanggang sa naging mas tumindi ito dahil sa nalalapit na schoool evaluation. Ngunit isang umaga ay tuluyang sumabog ang galit ni Keron sa buong campus na nagpayanig sa lahat.
Isang diwata na nagngangalang Dwindina ang nag-alok sa kanya ng tulong para labanan ang buong eskuwelahan. Sa loob ng isang linggo ay kjailangan niyang makatagal at malagpasan ang ang bawat panggugulpi at pag-atake sa kanya sa eskuwelahan. Sa likod ng lahat ng ito ay ang ring leader na si Eya Mendez, ang student council president at ang pianakamagandang estudyante sa buong eskuwelahan. Maghaharap ang binatang si Eyon at ang president na may malalim na galit sa mga panget na tao para subukan ang tibay ng loob at sikmura.
Kuwento ito ng karahasan at paghihiganti ng isang panget na nilalang.