شقة العراقيات

الدنيا ظلمة هندس والمكان مليان اشياء مقرفة ماعرف رجلي وين وعلى شنو دامشي احساسي هالمرة اخذني لمكان كلش غلط.

صرخت وبجيت بصوت عالي حسيت نفسي مغدورة حسيت نفسي قائد جيش انتصر بس كل الاشخاص الي انتظرو ماتو وماكو احد يحزن لحزنه ويفرح لفرحتة.

ركضت واني اجفص بالثلج ودموعي تنزل تجرح خدودي من كثر البرد احسها سجاجين حسيت ابني معترض على حركتي شكد قاسية باوعتلة وعيني كلها دمع اي اني سويت هيج بينا يا ابني لتبجي ولتتركني مثل الناس.

غمضت عيني بكل قوتي وكل لقطة من الفيديو تنعاد علية كلتلها واني ممصدكة
- انتي مسويتلي هيج شي.
-بس خلي افهمج.
-لج شفتهميني فيديو بي كل العبر .
-لا والله هسه اشرحلج.
- شتكولين شلون تدافعين عن نفسج لج يا*** لميتج من الشوارع بوكت الي الكل تكول ديري بالج منها اني ما اقبل حتى تدفعيلي ايجار لج حتى ابنج اني ربيته جان بي جفاف واني عالجته
-صح حجيج صح بس والله مكدرت
-شنو المكدرتي علية يا ادبسز اطلعي برا بيتي اني صوجي حطيتج بالبيت واحترمتج مكانج بالشوارع يلا بررررا
-لا الله يخليج ماعرف اذا افتهمت الكلمة لو لا اسودت الدنيا بعيني

"أتأخذني معك؟

فأكون خاتم قلبك الحافي؟

أتأخذني معك؟

فأكون ثوبك في بلاد أنجبتك لتصرعك؟

وأكون تابوتًا من النعناعِ يحمل مصرعك؟"

ان الشعر لدرويش يشبه حالتنا المستعصية