{جحيم رغبات}

نزلت درج ولاجني قبل شوي تنازع وي الموت ورجعت حييت ، باوعت كاعدة بكل كبرياء على تخم فخم وتحجي مثل العاهـ....ما شفت منو مقابيلها جفتت للغرفة وهي باوعتلي بعنف

كالت بصوت صاخب ...هييي انتي شنو جابج هنا ولي فوك لحد ما تصيرين زينه

عين ..كعدت على ركبي وبمستوى كعدتها على تخم صرت، باوعتلها بكل رجاء ودموعي صارت تنزل مني "بس أتوسل بيج ترجعيني الاهلي ابوس ايدج خاله شنو تردين انطيج والله العظيم"

"ماريد منج شي ولا تريدين مني روحي فوگ هسه شكلج تبعانه وبعدين نتفاهم"

نزلت ابوس بيدها وهي تسحب أيدها بقرب ..خاله والله العظيم كلشي انطيج بس كليلي منو جابني هنا و ليش اني بذات اخذتوني اني رايحه لاهلي زوجي طلگني وتهمني بشرفي

تقصدين ذاكر ؟

اريد اكول صاعقة صعقتني أو مي بارد مجرش نزل عليه أو مي حار وتبخرت بس كل هذني شغلات ما كدرت توصل ذرة من شعوري بهاي لحظة وهي تكول اسم ذاكر باوعت بعيونها واني وجهي مغسول بدموع وعيوني مفتوحه مثل جثه شخص ميت وهو فاتح عيونه حجيت بكل توتر ..شنو تكولين ذاكر شعلي..

ذاكر يلعب اقمار بأحد نوادي مالتنا وخسر مبلغ كلش جبير ردنا نقتله بس هو لأن تاجر ومعروف وهم ايسدد فلوسه على شكل قروض وكل فترة يدز االنه مبلغ لحد ما خابرني البارحه وكال عندي فلوس يم ابنيه اخذيها هي والفلوس وبعد ما تطلبيني شي