The Summer We Lost

Hindi lang responsibilidad sa isang malaking kumpanya ang naiwan sa pamamahala ni Andrealle Gustaves nang mamatay ang kaniyang abwelo kundi malaking obligasyon din para maging guardian ng nag iisa niyang pamangkin na si Krisha. Kaya nga nang tumakas ito upang makipagkita sa diumano'y kasintahan nito ay agad agad din siyang lumipad pabalik nang Pilipinas para hanapin ito. Sa kanyang paghahanap sa artistang kasintahan kuno ni Krisha na si Eugene ay nakilala niya si Terrenz Kim, ang manager nang artistang si Eugene at ang Tiyuhin nito na si Leon Santillan na siya ring nagmamay-ari nang entertainment company na may hawak rito. Kita kaagad ni Andi na hindi siya gusto ni Leon sa una pa lamang nilang pagkikita pero wala siyang choice kundi lapitan ito upang humingi nang tulong sa paghahanap.

Mayaman, gwapo at kilalang "womanizer" si Leon at hindi iyon bago kay Andi. Pero sa ilang pagkakataon na nagkasama sila sa paghahanap ay nakita niya ang kabutihan nito at hindi niya napigilan ang sarili na mahulog at main-love. Nagtapat siya ng pag-ibig sa binata pero agad din siya nitong ni-reject.

Dahil sa kabiguan sa pag-ibig at sa paghahanap sa pamangkin ay nagpunta si Andi sa probinsiyang kinalakihan nang kanyang abwelo. Ilang araw pagkadating niya sa probinsiya ay nakatanggap siya nang imbitasyon para sa isang High School Reunion. Dahil wala siyang magawa ay napagpasyahan niyang pumunta at doon muli niyang nakita sina Terrenz at Leon. Doon niya din nalaman na sa iisang High School pala sila unang nagkakilakilala at doon niya rin nalaman ang planong paghihiganti ni Leon sa kaniya dahil sa nawala nito noong kanilang kabataan. Pero hindi maalala ni Andi kung ano ang nawala ni Leon noon. Hindi niya maalala ang kanilang mga pinagsamahan at mga pangako.