Forehead Kisses

Sabi nila tatalikuran ka ng lahat, pero 'yong sarili mo hinding hindi ka iiwan. Totoo nga ba?
Bakit noong winasak mo ang pagkatao ko ay kasabay ng pagkawala ng pagmamahal sa sarili ko?

Sa murang edad naranasan ni Keziah D. Mapakali ang lahat ng emosyong bumabalot sa kaniyang pagkatao, hindi niya namalayang unti-unti na pala siyang sinasalakay ng mga taong malapit sa kaniya upang sirain ang kaniyang perpektong buhay... para sa kaniya.

Bukod sa pagsubok sa kaniyang buhay, nahirapan siyang tukuyin kung sino ang minamahal niya, isa, dalawa, at tatlo ang nakaabang sa kaniya. May mga tanong na sumasagi sa kaniyang isipan.
Maari ba na mag kagusto ka sa iba habang nasasaktan ka pa sa isa?
Masama ba kung maramdaman kong muling tumibok ang aking puso sa piling ng ibang tao?
Ibang tao nga ba talaga? Sabihin na nating hindi na siya iba, dahil ang akala kong kaibigan ko lang habang buhay ay pipiliin ko pa lang makasama sa pang araw-araw, na makasama sa hirap at ginhawa?

Kung gano'n, maari ko rin ba siyang makatuwang upang mahanap kong muli ang piraso sa aking pagkatao na hindi ko namalayang nawala na habang hinahanap at pinupunan ko ang kulang sa iba?