Shadow Soul

Susundin ang lahat ng gusto ni Khiros? Bakit ako mag-o-oo, kung parang ako pa ang talo doon? Kasi diba... kapag nag-oo ako sa kanya. Baka kung anu-ano ang iuutos niya sa akin. Kaya maghi-hindi na lang ako. Baka mapahamak pa ako kapag nag-oo ako sa kanya at kung anu-ano ang iutos niya sa akin. Mahirap na. Iba pa naman ang ugali ni Khiros.

Malalim niyang hinugot ang hininga bago tumikhim. Ewan niya ba pero mas lalong lumakas ang tibok ng kanyang puso.

"H-hindi, ang sagot ko?" Patanong na sagot niya.

Nataranta siya nang mapatigil sa pagtap ng lamesa si Khiros at marahas na ibinaling ang paningin sa kanya. Matalim siyang tinignan nito. Habang si Bright naman ay halos mahulog sa kinauupuan. Nakaawang ang labi nito at nanlalaki ang mga mata nito sa kanya. Parang hindi makapaniwala sa sinabi niya.

"Damn you, Bright! Kung anu-ano ang sinasabi mo! Do something about it!"

Halos lumabas ang ugat sa leeg ni Khiros sa pagsigaw nito kay Bright. Natatarantang umupo ng maayos si Bright. Ako naman ay gulat ang mababakas sa mukha dahil sa reaksyon ng dalawa. Natakot rin siya na baka magalit si Khiros sa kanya.

"A-ate V-vira... hindi ka naman talo doon kasi kapag nagsabi ka ng- salitang oo. Lahat makukuha mo. A-atsaka, pwede mo ring utusan si Khiros at gagawin niya iyon. Tawagin mo lang siyang Love, lalambot na 'yan at susundin ang gusto mo."

"Tarantado ka talaga! Anong sinasabi mo diyan! I would never do that! I should be the dominant over us and not the other way around!"

Ngumiwi si Bright. Napakagat labi na lang siya. Nagagalit na naman kasi si Khiros at nagsasalita ng pang ibang lenggwahe. Siguro dapat umoo na lang siya para hindi na ito magalit.

Kagat labing tumango siya at desidido sa gagawin. "S-sige na... oo na ang sagot ko, Khiros..."

Natigil ang akmang pagbatok ni khiros kay Bright. Sabay silang napatingin sa kanya. Nakangising tagumpay si Bright habang si Khiros naman ay halata sa mukha ang gulat. Tumikhim si Khiros at umayos ng upo. Nakakunot ang noo.