My Extraordinary You

My Extraordinary You

Sabi nila, tayong lahat ay bida sa sarili nating kwento may kanya-kanya tayong landas, may kanya-kanyang tadhana, at may mga destinasyong kadalasa'y hindi natin alam kung saan patutungo.

Life is hard, but that doesn't mean we should give up. We all fight our own silent battles - may it be about love, money, dreams, or sometimes, even survival.

Bata pa lang si Elisa Maxwell, alam na niyang mahal na mahal siya ng kanyang mga magulang. Lahat ng gusto at kailangan niya ay naibibigay. Lumaki siyang may gintong kutsara sa bibig, ngunit may dalisay na puso.

Pero minsan, kahit gaano pa kabuti ang mundo sa iyo, may mga pangyayari talagang kayang sirain ang lahat.

Elisa - isang babaeng punong-puno noon ng pagmamahal at pag-asa, ngayo'y binabagabag ng mga alaalang masakit at mapait na karanasan. Isang trahedya na pilit niyang ikinubli sa lahat, kahit sakanyang sarili. Simula noon, nagbago ang lahat. Ang dating masayahin at puno ng pangarap ay napalitan ng takot, galit, at pagdududa - hindi sa mundo, kundi sa sarili.

Dahil sa nangyari, tila wala nang halaga ang mga bagay na dati'y mahalaga. Maging ang sarili niyang buhay.

Is she going to give up or accept the cruel fate written for her?

Gusto niyang maging isang malayang babae, pero ang kalayaang inaasam niya ay hindi maibigay ng nakaraan. Sa tuwing sinusubukan niyang lumipad, hinihila siya pabalik ng mga aninong iniwan ng kahapon.

Siguro nga, masyadong malupit ang kapalaran sa kanya.
Pero sa likod ng bawat luha, may lihim siyang panalangin.
Na balang araw...
Muli siyang babangon.
At sa araw na 'yon - siya na ang magsusulat ng sariling wakas