Finding the Right Mark

"Bibigyan na lang kita ng hint ng magiging ka-forever mo!"

"Pwede po 'yon?"

"Yes, of course! Dahil sa kabutihan mo ay bibigyan kita ng gift! Sasabihin ko sa'yo ang pangalan ng ka-forever mo!"

"Weeeehh? Baka mamaya po mali pala kayo, baka prank lang po 'yan."

"Shhhh! 'Wag kang maingay at makinig kang mabuti."

Kinakabahan man ay nakinig na lang ako sa ale. Oo, gusto ko nang makilala ang babaeng mamahalin ko at mamahalin ako.

Magmukha na akong desperado, basta makilala ko na ang tamang babae para sa akin.

"Ang pangalan niya ay..."

"Ayyyyy?"

Kinakabahan na talaga ako. Parang may fishy eh, parang hindi ko magugutuhan ang sasabihin niya.

"Ano na po Ale? Ano na ang pangalan ng babaeng magiging partner ko for life. Yung makakasama ko sa hirap at ginhawa. Yung parang napapanood ko na movies. Magyayakapan, maghahalikan, at a-ano..."

Feel ko namumula na ako ngayon dahil sa iniisip ko! Natigil rin ako sa pagsasalita at hindi na natuloy ang sasabihin ko sana. Iniisip ko pa lang na ginagawa namin ng magiging girlfriend ko yung mga naiisip ko, para na akong aatakihin sa bilis nang tibok ng puso ko.

"Chill ka lang. Okay ito na, sasabihin ko na kaya makinig kang mabuti iho..."

Kinakabahan akong tumango sa kanya. Pinipilit kong makinig ng mabuti para marinig ang pangalan ng future wife ko.

"Ang pangalan ng ka-forever mo, ay... Mark."

Para naman akong nabingi dahil sa sinabing 'yon ng ale. Yung kinakabahan kong mukha ay biglang napalitan ng pagtataka?

Mark? 'Di ba pangalan ng lalaki 'yon?

Agad namang nanlaki ang mata ko nang may ma-realize ako.

No!

"Hindi ako bakla!!"