LOVE MO DIN AKO AMININ MO NA!

Kilala nila ang isa't-isa pero hindi sila magkakilala. Ang labo naman nito.

Yun si Justin. Malabo. Nagka amnesia na yata. Bukod sa hindi na makakilala, ibang-iba pa ang ugali ng muli silang magkita ni Andrea. Bigla tuloy gumuho ang pag-asa ni Andrea sa inakala nyang magandang panimula ng kanilang pagkakaibigan. O baka naman masyado lang siyag nag assume tungkol sa kanilang dalawa?

"haist!!! Ano ba?? Nakakainis!!!'', pabiling biling at may pagpadyak pa ng paa na reklamo ko sa sarili. "Baket???''.

Nagulat ako ng bigla akong tampalin ni ate Carol.
"Oy! Ano ka ba? Para kang sira! Anong nakakainis? At anong baket?'', nagtataka nyang tanong.

Tumingin lang ako sa kanya sabay nguso at nararamdaman ko na nangingilid na ang luha ko.

"Aba? Ano bang nangyayari sa yo?''. Naiinis na nyang tanong sa akin.

Di pa din ako nagsalita. Bagkus inabot ko sa kanya ang cp ko at pinakita ang picture namin ni Justin.

Nanlaki ang mata nya ng makita ang picture.
"O di ba ito yung lalake kanina?!'', gulat nyang tanong.

"OO!".

"Boyfriend mo ba 'to?''.

"Hinde!", malakas na sagot ko.

"O e di ba girlfriend nya yung kasama kanina?".

"Oo nga!'', napahagulgol ako sa tanong nya. May girlfriend na sya.

"E bakit ganyan ka kung maka-iyak?''.

"Hindi ko alam...", nagtataka ko ding tanong sa sarili ko. Bakit nga ba ako umiiyak ng ganito? "Basta alam ko naiiyak ako'', inis na sagot ko sabay punas ng luha.

"Ay shunga! Baka nagseselos ka dahil nalaman mong may gf na sya.''.