It All Started with a Dummy Account

Pagkatapos masaktan at masawi sa pag-ibig si Klea Mae Bautista. Lumabo ang mga bagay na dati ay malabo na talaga. Unti-unting gumuho ang kaniyang mga pangarap.

Si Jacob Devera ang kaniyang unang lalaking minahal at pinagkatiwalaan ng husto. Pinagbigyan niya ng unang halik at yakap. Nakilala niya ang binata sa kanilang lugar. Nagbakasyon kasi ito sa mga pinsan niya dahil semestral break. Gwapo at matangkad ito. Si Klea naman ay may pagkamahiyain. Nang sabihin ni Jacob na gusto siya nito ay agad na kinabahan si Klea at unti-unting nahulog sa binata at agad siyang napa-oo. Hindi naging madali ang kanilang relasyon hanggang sa unti-unti itong lumabo. Ngunit hanggang kailan kaya magiging dedma si Klea sa nararamdaman niyang hindi tama?

Ngunit isang araw, isang desisyong nabuo na siyang nagpabago ng takbo ng buhay ni Klea. Bumitaw siya sa pagkakahawak sa relasyong meron sila ni Jacob. Sa pagbitaw niya, nasagot lahat ng what ifs niya sa buhay.

Nalaman niya na mayroon na palang iba si Jacob habang may sila pa. Unti-unting nadurog ang puso ni Klea. Ang lalaking ni minsan ay hindi niya naisip na magloloko ay niloko siya. Ang malabong relasyong ay kailanman ay hindi na lilinaw pa. Gumuho ang mundo niya ngunit nang dahil sa isang dummy account, nagbago ang lahat.

Isang dummy account ng laging nagco-comment sa Instanotes post niya at nagmemessage sa kanya. Nung una ay hindi niya ito pinapansin hanggang sa hindi sinasadyang masagot ang isang video call at bumungad sa kanya ang isang binatang ubod ng gwapo at inalok siya nitong maging girlfriend niya for just one month. Hindi nakapagsalita si Klea sa gulat at agad na in-end call.

Tatanggapin kaya ni Klea ang alok ng binata upang madali siyang maka-move on at tantanan na siya ng present girlfriend ng ex niya? Bigyan niya kaya ng chance ang estrangherong binata sa inaalok nito? O magpapaka-bitter na lamang siya at unti-unting hilumin ang sugat sa kanya puso? Ano kayang dahilan ng binata sa alok niyang maging girlfriend siya?