SEOULMATE

Best-selling romance author, ang tawag kay Vivian dahil bawat kwento niya, may pag-ibig na bubuo at totoo.

Noon iyon.

Ngayon, pilit at kulang sa emosyon ang mga salitang nasusulat niya sa papel. Simula nang matuklasan niya ang ginawang panloloko sa kanya ng mga taong pinakamalalapit sa kanya-hindi lang nawala ang tiwala niya... kundi pati ang inspirasyon.

Para maka-move on, nakaisip ng solusyon ang publisher niyang si Solanna: isang plane ticket papuntang Korea. Walang deadline. Walang pressure. Isang pagkakataon para tumakas, huminga, at muling hanapin ang sarili.

At doon niya makikilala si Caden, isang sikat na vlogger pero sa likod ng kasikatan, may mga sugat din pala siyang tinatago.

Sa pagitan ng mga kalsada ng Seoul, mga late-night conversations, at mga kwentong hindi planadong isulat, muling matututo si Vivian kung paano magmahal at magsulat mula sa simula.