Alijandra

SI ALIJANDRA – isang college student. Humiwalay sa kanyang mga magulang upang mag-aral sa malayong lalawigan ng Baguio. Lingid sa kaalaman niya ay isa palang malagim na sikreto ang
naghihintay sa kanya sa bahay na tinutuluyan niya. Nagsimula ang lahat ng iyon nang magkaroon siya ng isang pangitain tungkol sa walang awang pagpatay kay Zoila – isang estudyante na siyang dating nakatira sa inuupahan niyang kwarto.

Ang pangitain na iyon ay nasundan ng marami pang iba. Mga tagpo sa buhay ni Zoila kasama ang mga taong malalapit dito. Ano’ng gagawin ni Alijandra kapag nalaman niyang ang babaeng nakikita niya sa kanyang mga pangitain ay matagal na palang patay? Na kaya nito ipinapakita sa kanya ang mga tagpong iyon ay para mabigyan ng hustisya ang pagkamatay nito?