Dahil sa Mahal Kita Maghihintay Ako Sinta

Sinabi mo maghihintay ako sayo;
Dahil mawawala ka at saglit lang ito;
Kahit mag-isa at mahirap ito;
Hihintayin kita kasi pinangako ko.

Ang saya ko sa bawat araw na tayo'y magkasama;
Nadarama ko sa ngiti at boses mong kay ganda;
Ngunit di ko akalain isang araw bigla mong sasabihin;
Na mawawala ka at kailangan mo itong gawin.

Ako'y nabigla sa sinabi mong mawawala ka;
At wala tayong magagawa kahit ito'y di kagustuhan;
Ngunit sa sinabi mo di ako mag-aalala;
Dahil pinangako mo balang araw babalik ka.

Unang araw pa lang ng aking paghihintay;
Para bang ako'y may sakit at sa higaan ko'y nakaratay;
Kahit Bumangon para kumain wala na kong gana;
Dahil ako sayo ay talagang nangungulila.

Paskong pasko na ngunit wala ka;
Masaya ang paligid ngunit ako'y lantang lanta;
Ilang pasko na ba di ko ramdam ang saya?
Dahil ang taong mahal ko di ko na naman makakasama.

Sa wakas dumating na rin ang araw na pinakahihintay ko;
Nagulat na lang ako may mensahe sa facebook ko;
Di ko mapaliwanag ang sayang nadarama ko;
Dahil nagbalik na ang taong pinakamamahal ko.

Bagong taon nang kami'y nag usap muli;
Sinagot nya pa ako ng walang pag-aatubili;
Ngayon kaming dalawa'y ganap nang magkasintahan;
Pangako mamahalin kita hanggang sa magpakailanman.