Naniniwala ka ba sa mga mythical creatures?
Aswang, diwata, engkanto, duwende, kapre, tikbalang at iba pa.
Tagapangalaga ng Kalikasan. Nagbibigay proteksyon. Nakakatakot na nilalang.
To see is to believe, 'ika nga.
Pero paano kung sabihin ko sa 'yong minsan na silang nabuhay kasama natin sa isang mapayapang kasunduan?
Isang kasunduang pinagbabawal ng Maylikha.
Isang kasunduang pagsisisihan habang ang mga tao ay nabubuhay.
Sa mundong binuo ng mga diyos at espiritu, si Adarna o "Ada" ang huling kilalang kalahating-diwata, kalahating-engkanto. Dahil sa nakaraang trahedya na dulot ng isang engkanto, ipinagbawal na ang pagsasama ng diwata at engkanto - at pinuksa ang lahat ng anak nila.
Ngayon, lihim na tinatago ni Ada ang kanyang tunay na pagkatao habang nag-aaral sa Punláng-Liwanag, isang sagradong paaralan para sa mga mandirigmang diwata. Gusto niyang maging sapat na makapangyarihan para mapakawalan ang Kalalimlimalan, ang natutulog na Espiritu ng Lindol.
Pero habang dumadaan siya sa mga pagsubok at nakakabuo ng bagong pagkakaibigan, unti-unting lumalabas ang mga lihim ng kanyang pinagmulan - pati na rin ang totoo niyang nararamdaman. At doon magsisimula ang tunay na laban: kapangyarihan ba ang pipiliin niya, o ang katotohanan?
