Para sa iyo ako'y magmamahal

Tayo'y pinagtagpo ng tadhana ng walang babala.
Kapwa tayo alila ng nakaraan.
May mga bagay na nais kalimutan.
Tayo ay nalibang at tuluyan ng nagkapalagayan.

Sa pagdaan ng mga araw lalo kitang nagustuhan.
Ngunit hindi ko maiwasang di maisip ang nakaraan.
Inaamin kong natakot akong magmahal dahil ayoko ng masaktan.
Pero para sa iyo ako'y nakipagsapalaran.

Binigyan tayo ng pagkakataon para makapag-isip.
Kung tama ba na ipaglaban ang pag-ibig.
Dito ko nalaman kung ano ang tunay kong nararamdaman.
Dito ko inamin na ang puso ko ikaw ang laman.

Araw-araw akong di mapakali, gustong gusto na kitang makausap uli.
Natatakot akong baka malimot mo ang mga pangako mo.
Maghanap ka ng ibang pagbibigyan ng iyong puso.
Natakot akong mahulog ka sa iba;
at tuluyan kanang mawala.

Dahil sa nangyari ito ang aking masasabi;
Mahal kita ng walang pag-aatubili.
Mamahalin kita na para bang ito na ang huli.
Dahil ikaw ang taong nagpa-ibig sa akin muli.