أشفيني مِن سِقمُهم : حَقيقيه .

"انتِ ما تدرين شكد كَلبي يِحن الج و يَريدج بكل ثانيه تِمر عليه و بَكل نبضه اله "

انفاسه على رِكبتها يَشتم عطرها الي كضه اسنين تعبه كلها خاطِر يَشمها ..

إديه تلعب على خصرها و أصابعه تعرف شلون تِعزف على اوتار كَلبها ..

رفع ايده اليَسره يتلمس فَكِها بأطارف اصابيعه و ابتسامته الي ضِد ركِبتها تثبتلها انه لحد الآن ما مصدك انها صارت اله،وحده.

"ياسِر " صوت مِتخدر طِلع منها و ياريتها ساكته لأن صوتها ذَوبه و شلع كَلبه فوك ما هو مشلوع ..

" عيون ياسر ، بَعد ياسر و طِوايفه بروح العِزيز لا تصيحين اسمي بهالنبره "

انفاسه الي ع ركبتها اثناء حديثه وترتها اديها على صدره ف حاولت تِبعده شويه عنها " أكُلك مو لازم نِصلي اول شي؟ بعدين نَاكُل اني كُلش جِوعانه!"

ما كِدر يمنع ضحكته لمن حجت هيج .. هو تذكر اول مقابله الهم و جانت هالكِلمه بدايتها ..

" ابوسِج و بعدين نصلي و نسوي اي شي تردينه " ساومها و هالشي خلها تكعد حاوجبها " تِساومني ياسر! "

" كَليبي هاي مو مُساومه هاي حقوقي! "

نُشرت : 2022.22.5

لَازالت مُستمره.

-ع كَولة ياسر حِقوقي..كُل الحقوق تعود لي لِكتابة هذه الروايه لا اسمح بالسرقه او الأقتباس مهما كانت الأسباب.

اقرأ بأحترام للأبطال و الشخصيات و علق بِحب.