"هو عليّ هَينُ" - (حُذيفة ورميم )

_ شوفتي بقى بعينك يا مودة، طريقة معاملته معايا بقت عاملة إزاي، وحتى مش بيبص في وشي.

_ إهدي يا رميم ومتكبريش الموضوع وتفسريه على مزاجك.

_ بردوه تقولي إهدي، لما هو مش طايقني كدا ودايمًا قالب خلقته في وشي خطبني من البداية ليه؟

_ طب ليه مسألتهوش عن السبب يا رميم، قعدتوا مع بعض كدا واتكلمتوا بهدوء بدل وجع القلب إللي إنتِ فيه ده.

_ إنتِ طيبة يا بنتي، دا مش بيجي البيت ألا كل شهر مرة، حتى مش بيهون علية يرن رنه عليا ولغاية دلوقتي حتى ما أعرف رقمه يا مودة، والساعة إللي بيجيها في الشهر بيقعد مع بابا شوية .. والشوية إللي بيقعدهم معايا بيبقى البيه أخويا مشرف ويسألني أسئلة عامة .. عاملة أيه وأخبارك روحتى الجامعة ومش عارفة أيه وحاجات من دي
وميكملش ربع ساعة ويتكل على الله ..
هتجنن أنا ..

_ دا عم حُذيفة منشفها عليكِ أووي بقى.