កុំភ្លេចណា៎ នាងជាមនុស្សទី122

ជីវិតជាអ្នកឯកទេសចាប់គូដ៏ជោគជ័យរបស់ខ្ញុំ ត្រូវធ្លាក់មកដល់ចំនុចសូន្យត្រឹមមិនប៉ុន្មាននាទី។ រឿងនេះគឺវាកើតឡើងដោយសារ លោកប្រុសតូចត្រកូលខេ សម្ព័ន្ធលក់ឡាន ដែលមិនដឹងជាកើតឆ្កួតស្អី បែរជាមិនព្រមអើតក្បាលមកតាមការណាត់ ធ្វើឲ្យចែណេណេ ដៃគូណាត់របស់គេរីករាយក្រៃកន្លងឡើងសឹងត្របាក់ខ្ញុំចូលពោះថែមទាំងមកជេរខ្ញុំញ៉ែតៗ ថាខ្ញុំនៀកកកក ជាអ្នកឯកទេសចាប់គូសម្អុយគ្មានបានការ។

ទើបក្រោយមកក៏សើុបដឹងថា លោក ដេឆេល៍ ដ៏ខ្ពង់ខ្ពស់ឧត្តុងឧត្តមរបស់យើងកំពុងសេពគប់មនុស្សស្រី ១២១នាក់តំណាលគ្នា ហើយថ្ងៃដែលខកណាត់ គឺជាថ្ងៃដែលគេជាប់កំដរសង្សារទី៧៦ទៅមើលកុនហ្នឹងអ្ហែង៎! ចែណេណេ ក៏លើកផែនការយ៉ាប់ៗមកដើម្បីសងសឹកដេឆេល៍ រួចក៏អូសខ្ញុំមកពាក់ព័ន្ធ ហើយគំរាមថា "បើមិនធ្វើរឿងនេះ ខ្ញុំនឹងប្តឹងក្រុមហ៊ុនសម្អុយរបស់នាង" ទើបខ្ញុំមានតែបិទភ្នែកទទួល។