Her One Last Semester

Siya si Rylie Eloise Anderson, isang Communication Arts student at isang semester na lamang ay makukuha na nito ang kanyang inaasam na diploma. Walang mga kaibigan. Laging pinagti-tripan sa classroom at ginagawang katatawanan. At sinisisi sa isang bagay na kailaman ay hindi nito ginawa. Sa kabila ng lahat ay patuloy pa rin itong lumalaban para sa pangarap.

Tanging libro lang ang kakampi nito sa buhay. Ang libro kung saan ito lamang ang kaniyang naging kaibigan at sandalan sa mga taong pilit siyang sinusubukan. Isinusulat nito lahat ang mga nangyayari sa kaniyang araw, bawat araw ay mga bagong paratang ang ipinagmumukha sa kanya, mga panghuhusga ang natatangap at kung anu-ano pa.

Ngiti lang ang kaniyang isinasagot sa tuwing lagi siyang pinagkakaisahan.

Sa mundong kinalakihan nito ay pilit pa rin nitong iniisip na napakaganda pa rin ng mundo.

Nagpapasalamat pa rin ito na naramdaman niya kung paano mabuhay.

Na maabot ang kaniyang matagal na inaasam na makapagtapos sa kolehiyo.

Kaya lang...

May mga oras at panahon na hindi na makuhang lumaban pa. Nakakapagod ipaglaban ang mga bagay dahil paulit-ulit nalang na nauuwi sa parehong sitwasyon. Hindi tulad sa ibang istoryang nababasa niya na nagagawa nilang baguhin pa ang nilalaman at ang takbo nito. Isa lamang siyang ordinaryong tao na laging inaapi.

At higit sa lahat ay...

Hindi lahat ng mga kwentong nababasa ay nagtatapos sa isang happy ending.

STATUS
Started Writing: Februaru 14, 2021