ტელეფონის თაობა

... -გინდა?- და საწუწნი კანფეტი გაუწოდა თან თვალებით უცინოდა.

გოგონამ ამ დროის განმავლობაში პირველად შეხედა ბიჭის თვალებს. უცხო ნაკვთები ჰქონდა, უჩვეულოდ ლამაზი თვალის ჭრილი, ღიმილის დროს სრულიად არ ირკალებოდა და თვალის რაღაც ნაწილი მაინც ჩანდა. მერე კანფეტს დახედა, უცებ გამოართვა, მადლობა გადაუხადა და დაემშვიდობა. ბიჭი ცოტა ხანს უყურებდა გოგონას, როგორ გაიქცა მყვირალა მანქანისკენ, შიგნით ჩაჯდა და მასთან ერთად გაუჩინარდა.

ბიჭის მანქანაში კვლავ გაისმა ღიღინის ხმა. საწუწნი კანფეტის ტკბილი სურნელი მოეფინა მთელ სივრცეს ან მხოლოდ ტვინი აღიქვამდა ასე.