Boşluqdakı Səs

Daha özün belə özünü anlamazkən insanların səni anlamasını gözləmək necə mənasızdırsa, özünlə etdiyin müharibə də bir o qədər mənasız və boşunadı. Çünki nə bir sonu var, nə də nəticəsi...
-
Artıq standart bir şey üzərində yazmadığımın fərqindəyəm. Hər bölüm mənim fərqli anlardakı hisslərimin bir parçasıdır. Bilirəm, bəlkə də sizin üçün nə hiss etdiyim, nə yaşadığım maraqlı deyil . Ancaq məni bağışlayın. Çünki mən hisslərini insanlara deyə bilməyəcək qorxaq biriyəm. Fikirlərimi və duyğularımı yazaraq ifadə edə bildiyimi anladığım gündən bəri buradayam.
Mən yazar deyiləm, mən şair deyiləm. Mən sadəcə öz duyğularından qaçan, savaşmaqdan qorxan aciz bir gəncəm.
Fəqət artıq yaza bilmirəm. Bu dəfə qələmimdəki mürəkkəb deyil, mən bitirəm deyəsən...