☆)ضي الكمر(☆

مشتاقتلهم نزلت دمعتي ومسحتها وكمت

على شغل البيت خالتي ضلت تجيب شغل خياط

وتخيط ملابس وتبيعهن بسوك وساعدها اني هيه صارت

زينه وياي بس مرات تعصب مني رجلي طابت بس

ضل اثر بيها مالت حرك دخلت خالتي جايبه بيدها

علاكه جبيره نزلتها وياها من راسها طلعت ثوب

خياط بس حلوو اخذته وتشكرتها لونه وردي فاتح

هيه زينه مرات واذا قصي هنا تصير وياه علي

ومن مهو هنا تصير زينه وياي لبست الثوب لونه

وردي وبيه حزام فضي فتحت شعري الطويل

الي لاهوا احمر لاهوا برتقالي ومكسر لن جنت

ضافرته وضليت افتر بلهول واغني صدك فرحت

بلثوب كاعده اكنس واغني ونجريت من شعري باوعت

شفته قصي كتله شنو سويت انه هاي المره صفن

علي وكال شكو مطلعه شعرج هاااااا تردين

يشوفونه خالتي مثل العاده ماحجت شي وتسحبت

لمطبخ حصلتلي راشدي منه ودخل لمطبخ ورا

امه صرخت ورا محد هنا وبيتنه كشف منو يشوفني

طلع من المطبخ وبيده المقص انه شفته وانه تخبلت

ركضت على خالتي وختلت وراها توسلت بيها

تحاجيه بس ماكو فايده تباوعلي ودموعها تصب

صرخت كتله اسويلك كلشي ولاشعري تعب سنين

الله يخليك بس ماكو فايده جر شعري وضل يكطع

بيه باوعت لخالتي ودموعي تجري نزلت دموعها

وياي بس ماحجت شي حسيت جسمي ثكل

وطحت اغمى علي واحس بلمقص يكص بشعري