The Twist Of Fate

Pagiging writer ang tanging bumubuhay kay Faye. At ang ipinamanang bahay sa kanya ang madalas niyang lungga kapag walang pumapasok na kahit katiting na pangungusap sa utak niya. Pero isinanla ng walang-kwenta niyang madrasta ang bahay kaya napilitan si Faye na makipagsundo ng kasal- kay Marc, ang anak ng kanilang pinagkakautangan-huwag lamang mawala nang tuluyan ang bahay. Pero isang dakilang abalang tao si Marc, kaya ultimo paghahanda sa kanilang kasal, ang driver slash personal alalay nitong si Matt ang sa tuwina'y kasa-kasama ni Faye.

Sa una palang, nag-clash na sina Faye at Matt. Atribido at nuknukan ng daldal ang tinamaan ng lintik! Kaya napakaswerte daw ni Faye at napakamalas naman ni Marc sa magiging set up nila.

Pero unti-unti iyong nagbago dahil sa tuwina ay si Matt ang kasama ni Faye sa kalungkutan at takot sa nalalapit na pagpapakasal. At sa maayos nang paraan, palagi ring ipanapaalalang lalaki ang swerteng matatamo niya sa piling ng amo nito. At dahil doon, kahit alam na mali at hindi na pupwede, namalayan lamang ni Faye na umaasam siyang sana'y si Matt nalang ang pakakasalan niya.