حب وكره

الحب والكراهية ،هاد العاطفة المزدوجة فالأنفس ديالنا ماهي إلا صدى للتجارب لي خضنا فمرحلة الطفولة والمراهقة...بالنسبة للشخصيات الرئيسية ديال القصة مكاينش فرق بين الحب والكره بزوجهم نار حيتاش هما مكيبغيوش بقلبهم قدر مكيبغيو بعقلهم فالكره كيكلف أكثر من الحب بكونو إحساس غير طبيعي كيحتاج قوة إضافية وكيستهلك وقود اكثر من الحب...
شنو غدي يوقع منين غدي تلاقى شخصيات الطبقة البرجوازية فمكان وزمان واحد ،شخصيات مليئة بالتناقضات،الغرور والنرجسية وهد الصفات مكتكونش فشي واحد غير حيت هو بغى ولا تخلقات فيه بطريقة عشوائية،كاينين بزاف ديال العوامل خلقات هاد الطيات من بينها شبح الماضي ،الماضي لي خلا من موراه ذكريات وشظايا مؤلمة،الماضي لي مخلاش الشخصيات الرئيسية تلملم الجراح ديالو وتركز فالحاضر وتبني المستقبل
البنات جمجمو القصة وأي وحدة قرات تعطينا الرأي ديالها القصة زوينة ومشوقة بزاف متأكدة غدي تعجبكم😘😘