Isang fan girl si Kaycee. Solid ang support niya kay MJ. Pero nang dumating sa kanyang bahay si Niel—ang kalabang idol ni MJ—hindi na nagdalawang-isip si Kaycee kung tutulungan ang lalaki. Bakit? Simple lang. Dahil ang kanyang ina ang humiling sa kanya na baguhin ang ugali ni Niel. Hindi magawang tumanggi ni Kaycee sa ina. Naisip kasi ng dalaga na kung magtatagumpay siya sa pagpapatino kay Niel, mahihiling na niya sa ina na makasama ito nang matagal. Sa pagsasama nina Kaycee at Niel sa iisang bubong, nanaig ang kasabihang “the more you hate, the more you love.” Sa kabila ng inis ni Kaycee kay Niel, hindi pa rin niya naiwasang mahulog ang loob sa binata. Pero torn siya between loving Niel and not loving him at all. Bakit ulit? Dahil ito lang naman ang kaagaw niya sa atensiyon at pagmamahal ng kanyang ina. Ngayon, nasaan ang hustisya roon?