CIZON ƘADDARA!

Abinda zuciya ke kallo a matsayin fari wasu lokutan ya kan rikiɗe ya koma baƙi, ta yanda duk fafutukar mutum ba zai iya goge zanan ƙaddara ba, wasu lokutan mukan fafata da abinda ƙaddara ke ƙoƙarin ƙaƙaba mana, amma da zarar yunƙurin mu ya gaza dole ne mu sallama mu karɓi abinda yazo a cikin littafin ƙaddarorin mu, koda kuwa ace zukatan mu saɓanin hakan suke fata. A duk lokacin da mukaji ƙishirwa mukan sha Ruwa ne don ya kore mana ƙishin ruwan mu, amma ga KHADIJATU MUHAMMAD MAI-YAƘI lamarin Sam ba a haka yazo mata ba, Al'amarine mai zafi da ƙuna a zuciya, wanda Zafi da raɗaɗinsa ya kasance mai wahalar sarrafuwa da kwatance.....