Comes Through Sunset

Takipsilim. Ang pag-aagaw ng liwanag at dilim. Ang paglubog ng araw at ang pagsapit ng buwan. Para kay Jam, iyon pinakamagandang natural na bagay na nasaksihan niya. Sa buhay niya, wala na siyang ibang gugustuhin. Gusto lang niya ng tahimik at normal na buhay, kasama ang pamilya niya.

Pero bakit nang dumating ang isang taong hindi niya inaasahan, mas naghangad na siya ng higit pa? Kuntento na siya dati, pero bakit pa kasi andito ang lalaking guguluhin ang nananahimik niyang buhay?

Sa bawat oras na magkasama sila, pakiramdam niya ay buo na siya. Pero hindi niya alam na ito rin pala ang wawasak sa buhay niya.

Tulad ng araw na nagbibigay liwanag sa buong mundo. Siya ang mistulang liwanag sa buhay ni Jam. Ngunit pagdating ng panahon, iiwan din siya nito, at muling magpapadilim sa kanyang mundo.

Bakit kailangan pang pumasok sa buhay ng iba kung may taong naiwan pa pala sa nakaraan? Sinong mapipili? Ang taong minamahal mo na o ang taong naiwan mo sa nakaraan?