بدون تفاصيل...!

بدون تفاصيل...
يوماتي الضحكة بتفارق وليها سبيل
وواقع يدي بالقسوة ال فية ل أصيل
لِخلق كتير يناموا الليل وجواهم وجع بالكيل
قلوب الحزن دمرها وغدر الدنيا غيرها
حنين لسنين ملاها الخير بغدر الدنيا تصبح غير
وأدى الأيام بتمحي أمان
تِزَوِد خوف تِزَوِد غدر تِزَوِد جرح بالأبدان
هتاخد مين...!
سؤال زَوِد دموع العين
سؤال اليوم وكل اليوم سلام الدنيا مش بيدوم
قصص وحكاوي بتقابل..تقول ربك عظيم جابر
وتسمع تاني م الأحداث ومنها ال تشيبله الراس
وقلبك م الفزع بيثور يقول مين جاي علية الدور
ي دنيا أمانِك إتبدِل
وغدرِك زاد وبيبدِل قلوب مشافتش يوم رحمة
يارب الرحمة بعبادك..قلوبهم تهدا بودادك
يارب إحمينا م الأيام وم الدنيا ال تمحي سلام
يارب طريقنا مش آمن..ووحدك بالقلوب عالِم
يارب الجبر...!