Tuwing Umuulan

Si Amanda Cor Dolores ay na sa ika-apat na taon ng isang kilalang mataas na paaralan (high school). Kilala siya bilang presidente ng klase nila, sa taglay niyang katalinuhan at mga kamangha-manghang kakayahan, ganon na rin sa pagiging masipag at matiyaga nito. Ngunit sa kabilang banda, hindi maganda ang pakikitungo sa kanya ng kinalakihan na niyang pamilya.

Sa ilang taon na paghihirap sa buhay, sa hindi inaasahan siya ay nagkaroon ng malalang sakit na tanging sya lamang ang nakaaalam. Nagsumikap siya na pagsabayin ang pag-aaral at paghahanapbuhay, matustusan niya lang ang kanyang mga pangangailangan.

Pero gaya ng isang masamang panahon, sa pagbugso ng ulan... unti-unti siyang huminto sa paglalakad sa gitna ng kawalan at sa pagsabay ng malakas na kulog at matatalas na kidlat, unti-unti siyang natumba at dahan-dahang bumagsak ang talukap ng kanyang mga mata.