DEMOCRAZY

Sa isang bayang pinaghaharian ng takot at kasinungalingan, si Azia-isang ulilang tagalungsod, ay biglang nasangkot sa isang mapanganib na mundo matapos niyang matuklasan ang isang mahiwagang kwintas na tinatawag na Lusōng. Sa hindi inaasahang pagkakataon, ito'y nagbigay sa kanya ng di-karaniwang kapangyarihan-ang tinig ng katotohanan.

Sa gitna ng kasakiman at kawalang-katarungan, naging misyon ni Azia na isiwalat ang mga makapangyarihang nilalang na nagkukubli sa likod ng yaman at impluwensya.

Ngunit habang sinusubukan niyang baliktarin ang umiiral na sistema, unti-unting nabubunyag ang mas malalalim na lihim-mga sikreto na may kakayahang yumanig sa buong bayan, at tuluyang bumasag sa manipis na balat ng kapayapaan.

Sa bawat pagpalaot, sinasalubong siya ng pagtataksil, panganib, at walang tigil na habulan ng kamatayan. Ang kanyang lakas, na hinugot mula sa masa, ay susubukin sa harap ng mga puwersang handang pumatay at magwasak para manatili sa kapangyarihan.

Maitutumba ba ni Azia ang mga haliging sumusuporta sa katiwalian? O babagsak din siya, tulad ng marami, sa bitag ng sistemang kanyang nilalabanan?

Magiging isang boses ba siya mula sa masa, tagapagbangon ng pag-asa, at simula ng rebolusyon?

Matutupad ba ni niya ang kanyang bugna-ang tadhanang nagsasabing siya ang magbabalik sa kapayapaan sa tinatawag na mga taong Mindaránog?