SLEEPING WITH THE BEAST

HERMANO BROTHERS: REED HERMANO

Labing walong taong gulang si Violet nang kunin siya ng matandang Hermano bilang kabayaran sa utang ng kaniyang ama. Bata palang siya ay ipinaalam na agad sa kaniya na inihandog na siya sa panganay na apo ng matandang Hermano.

Mula nang magka-isip si Violet ay panay na ang paghahanap niya ng balita ukol sa pamilyang kailangan niyang samahan kapag tumuntong na siya sa wastong edad, ang ikalabing walong taong gulang niya.

Kilala ang pamilyang Hermano sa malaking lupain na pagmamay-ari nito sa palawan. Bukod pa doon ay halos laman din ng diyaryo o kaya ay telebisyon ang apelyidong yun. Kilala ang pamilyang ito sa mundo ng negosyo at halos lahat ng mga myembro nito ay hindi basta-basta.

Kilala ni Violet ang ama ng mga na ito na si Phoenix, Hermano, pero hindi niya kilala si Reed Hermano. Si Reed ang panganay sa magkakapatid at ito rin ang kailangan niyang samahan pagkatapos ng ikalabing-walong taong gulang niya.

Ang buong akala ni Violet nang una ay wala siyang magiging problema sa lalaki. Tahimik lang ito at hindi siya masyadong pinapansin pero nagbago ang lahat nang minsan ay bigla na lamang siyang ipinatawag nito.

Yun ang araw na nabuwag ang paniniwala ni Violet na magiging maayos ang buhay niya sa poder ni Reed. Hindi dapat siya nanatili pa doon dahil isang halimaw si Reed na nagtatago sa magandang personalidad nito sa diyaryo.